近期，除左靚嘅新聞女主播多人討論，仲有另有一位女主持都成為城中熱話，佢咪就係大家都稱為「最大膽」女主持–Vienna囉！每每語出驚人，敢作敢為嘅Vienna今次就豪爽接受《風色英雄傳Online》邀請，並說要改變其他人對打機嘅女生都視為「毒女﹑宅女」嘅目光，示範「如何令男友係你打機時都覺得你好性感。」無論男生或女生，學野喇！

　　 試玩當日，身穿黑色無肩帶連身裙，低胸上陣嘅Vienna，已經急不及待話要玩，因為佢本身都有玩開一D可愛型﹑插畫華麗嘅OnlineGame,所以試玩前睇過有關資料後，已經被遊戲吸引住。

(Vienna當天的裝束真係好配合《風色英雄傳Online》喔！)

(有打開機，果然好快就上手嚕！)

　　 除左插畫吸引外，Vienna指出以北歐神話作故事背景就已經足以令佢愛上《風色英雄傳online》了，因為佢話女仔都係鍾意神話魔法嘅題材，所以今次佢試玩個角色都揀左魔導師，而且遊戲裡面女生角色服飾有型又可愛，配合帶有歐陸色彩嘅靚畫面，真係好享受喎！仲話遲D一定要叫埋朋友一齊玩，一齊打怪升級，仲開心！

(遊戲畫面同配樂，都係Vienna欣賞《風色英雄傳Online》的地方)

　　訪問期間，Vienna透露與男友情到濃時，都會幫男朋友打機，佢話男友都好鍾意佢打機好專心果陣個樣，話咁樣仲性感喎！(但佢無講當時著緊咩呢？哈！)Vienna仲話要同各位愛打機嘅女生講「唔駛怕男友介意，因為令佢愛你，你做咩時男友都會覺得你性感。」，女生們真係要跟Vienna學野嚕~

　　最後Vienna推薦大家一定來玩《風色英雄傳Online》！